ผู้สาว มข. นั่งรอถ่าอ้ายยามแลง
ตั๋วให้ครองคอยแหล่งๆ
เจ้าผัดแหนงหน่ายเร็วน้ออ้าย
วิงวอนเจ้าพ่อมอดินแดงเขาแกล้งตั๋วใจ
ให้พ่อเอิ้นเขากลับมาไวไว คนสัญญาใจกับลูกวันนั้น
หย่างเล่นข้างบึงสีฐาน อ้ายป้อนคำหวานฮักสาว มข.
อ้ายมาตั๋วให้นางล้ม ใจตกหล่มบึงสีฐาน
อ้ายสังหารใจเป็นผงหว่านลงดอกในน้ำ
เฮ็ดให้นางหลงล้ม ตกตมบาดทางหล่ม
ตั๋วให้คาดลาดล้ม ให้ใจน้องดอกหมื่นลง พี่ชายเอย
ปีกลายอ้ายกับน้องหวานชื่น
คิดฮอดวันคืนงานเจ้าพ่อมอดินแดง
ปีนี้น้องหัวใจแสลง กะจนว่าล้มแอ่งแม่ง
ใจอ้ายแปลงเปลี่ยนไป
คอยใจเจ้าบ่โย้ะโย่งโย่
ตั๋วให้ใจพองโตลมหนาวโต้พัดพาย
งานเจ้าพ่อมอดินแดงนัดไว้
เจ้าผู้คนหลายใจบ่มีใสซื่อตรง
ลำโพงเสียงหมอลำตำตึ้ง ตึ้งๆ ตึ้งๆ
สาว มข.คำนึงใจดึงน้าวร้าวลง
ดอกตีนเป็ดกลิ่นลอยมาจนฟ้ง
กะจนว่าน้องงวยงง ดอกวิงเวียนหัวใจ
เปรียบกะได้ใจชายบานซื่น
เปรียบกะได้ใจชายบานซื่น
กลิ่นบ่หอมโรจน์รื่นให้ใจน้องหมื่นลง
คดค่งน่งน้อใจพี่คนตั๋ว
เจ้าผู้บัวกลางบึงเอามือดึงบ่มีได้
ใจหมายตั้งประสงค์ซอนแต่นำพี่
ใจหมายตั้งประสงค์ซอนแต่นำพี่
งานเจ้าพ่อครั้งนี้ทางพี่บ่อ่วยหัน
คือจั่งกั้นตัดป่องทางใจ
เจ้าบ่หมายคืนมาฮักลาแล้วบ้ออ้าย
ผูกใจไว้กับสาวขอนแก่น
จนเอิ้นกันว่าแฟนเจ้าบ่แหงนมาดู
บ่ฮักคือบ่บอกให้ฮู้
อ้ายมีคนใหม่ซูหรือมีซู้นอนคอย
ล่องลอยแท้น้อใจของเจ้า
คำอ้ายสาบานเว้าต่อเจ้าพ่อมอดินแดง
ว่าใจอ้ายบ่มีสิ่งแอบแฝง
ฮักแต่น้องคำแพงวันเดียวบ่เลี้ยวใจ
ลูกขอไหว้อย่าเคียดขมเด้อพ่อ
ลูกขอไหว้อย่าเคียดขมเด้อพ่อ
สองมือนบจ้อก้อเขามาล่อให้ฮักหมอง
บ่อนใดผิดบ่อนใดมันบ่ถืกต้อง
ให้พ่อจ่องใจคืน ให้มายืนเฮียงกันถอนคำสาบานนั้น
ฮักมันสั้นแนวคนใจบ่ซื่อ ฮักมันสั้นแนวคนใจบ่ซื่อ
ปากผู้ชายขี้ดื้อมาคือเว้าบ่จริง ตั๋วปานลิงละเห็นใหม่มักหน้า
ลั่นวาจาละวาจาเว้าเล่น
หัวใจอวยเอนแท้น้ออ้าย หัวใจอวยเอนแท้น้ออ้าย